Pozita e Britanisë së Madhe mbi marrëdhënien rreth Brexit është shumë e paqartë, saqë po pengon Brukselin nga hartimi i udhëzimeve të detajuara negociuese për fazën përfundimtare të bisedimeve, thonë zyrtarët e BE-së.

Zyrtarët thonë se mungesa e qartësisë nga Londra, po e bën të pamundur vazhdimësinë e negociatave dhe kjo rrezikon të ngadalësojë dhe të vonojë bisedimet mbi marrëdhëniet e ardhshme, shkruan “Politico”, transmeton portali arbresh.info

Paralajmërimet erdhën një ditë pasi ministrat e BE27 u takuan në Këshillin e Çështjeve të Përgjithshme dhe nxorrën direktivat e tyre formale për negocimin e një periudhe tranzicioni të Brexit.

Zyrtarët e BE-së thonë se BE-ja do të kishte shumë më të lehtë sikur të dinte më shumë nga homologu i saj britanik, Michel Barnier, mbi çështjet kryesore.

Liderët e lartë të BE-së, përfshirë edhe kancelarën Angela Merkel, presidentin francez Emmanuel Macron dhe kryeministrin holandez Mark Rutte, kanë shprehur shqetësim për atë që e konsiderojnë si mungesë të vazhdueshme të qartësisë nga Thesea May dhe qeveria e saj lidhur me objektivat specifike të Britanisë mbi marrëdhëniet me BE-në në të ardhmen./arbresh.info/